კონსტიტუციური უსაფრთხოების დეპარტამენტის თანამშრომლებმა, გატარებული ოპერატიული-საგამოძიებო ღონისძიებების შედეგად ქრთამის აღების ფაქტზე დააკავეს, დედოფლისწყაროს მუნიციპალიტეტის გამგეობის თანამშრომელი ვლადიმერ ხატიაშვილი. ასევე ქრთამის აღებაში დახმარებისათვის დაკავებულია მოქალაქე, ვლადიმერ ქიზინიძე. ვლადიმერ ხატიაშვილმა ქიზინიძის შუამავლობით, მიკროავტობუსის მძღოლს, დედოფლისწყაროდან ბათუმის მიმართულებით, მგზავრთა გადაყვანის ნებართვის მიღებაში დახმარების სანაცვლოდ, ქრთამის სახით გამოსძალა 500 აშშ დოლარი.
დანაშაული ითვალისწინებს 9 წლამდე თავისუფლების აღკვეთას. გამოძიებას აწარმოებს კონსტიტუციური უსაფრთხოების დეპარტამენტი.
05.02.2010: ქრთამის აღების ფაქტზე დაკავებულია დედოფლისწყაროს მუნიციპალიტეტის გამგეობის თანამშრომელი