შინაგან საქმეთა სამინისტროს ბინათმშენებლობის პროექტი საქართველოს 5 ქალაქში მიმდინარეობს (თბილისი, ბათუმი, ქუთაისი, ზუგდიდი, რუსთავი). 10 საცხოვრებელი კორპუსის მშენებლობის პროცესი უკვე დაწყებულია და გადამწყვეტ ფაზაში შედის. პროექტის ფარგლებში, თანამშრომლებს შესაძლებლობა ეძლევათ, თანამედროვე სტანდარტების შესაბამისი ბინები შეღავათიანი პირობებით შეიძინონ. შეღავათიანი პირობები გულისხმობს სახელმწიფოს მიერ მშენებლობის ღირებულების 40%-ის დაფინანსებას. პროექტის მონაწილე ფარავს მხოლოდ დარჩენილ 60%-ს, საკუთარი სახსრებით ან იპოთეკური სესხით (პროექტის პარტნიორ ბანკში სესხის უზრუნველყოფად მოითხოვება მხოლოდ მშენებარე უძრავი ქონება, სხვა უზრუნველყოფის წარდგენა სავალდებულო არ არის). აღნიშნული პროექტის დასრულების შემდეგ, პროექტში მონაწილე ყველა თანამშრომელი მიიღებს 77 კვადრატული მეტრი ფართობის საცხოვრებელ ბინას, ე.წ. „თეთრი კარკასის" მდგომარეობით, შიდა და გარე პარკინგითა და გამწვანებული ტერიტორიით. პროექტის მონაწილე ბინის საფასურს საცხოვრებელი კორპუსის ადგილმდებარეობის შესაბამისად გადაიხდის:
- თბილისში - 49,910 ლარს (სამშენებლო კომპანია - „დაგი", მშენებლობის ადგილმდებარეობა: ქერჩის ქ. №6. ს/კ 01.11.05.029.310)
- ბათუმში - 45,517 ლარს (სამშენებლო კომპანია - უცხოური საწარმოს ფილიალი „აიდურგეო", მშენებლობის ადგილმდებარეობა: ადლიას ქ. №112. ს/კ 05.32.20.086)
- ქუთაისში - 45,590 ლარი (სამშენებლო კომპანია „თი ემ", მშენებლობის ადგილმდებარეობა: ნიკეას ქ. №19. ს/კ 03.05.22.707)
- რუსთავში - 49,530 ლარი (სამშენებლო კომპანია „ტრანსმშენი", მშენებლობის ადგილმდებარეობა: 20 მკრ-ისა და 21 მკრ-ის და ლეონიძის ქუჩას შორის, ს/კ 02.03.06.047)
- ზუგდიდში - 49,350 ლარს (სამშენებლო კომპანია „თი ემ", მშენებლობის ადგილმდებარეობა: ბენდელიანის ქ. №35. ს/კ 43.31.71.099)
პროექტში მონაწილეობის მსურველი თანამშრომლების მხრიდან აუცილებელია გაიზარდოს აქტივობის დონე და გამარჯვებულმა კანდიდატებმა შემჭიდროვებულ ვადებში მიმართონ ფინანსურ ინსტიტუტს (სესხის საჭიროების შემთხვევაში) ასევე, წარმოადგინონ პროექტში მონაწილეობის გაგრძელებისთვის საჭირო ფინანსური რესურსების არსებობის დამადასტურებელი დოკუმენტაცია: ბანკის შემთხვევაში - სესხის დამტკიცების/გაცემის დამადასტურებელი დოკუმენტი, ნაღდი ფულის გამოყენების შემთხვევაში - ამონაწერი საბანკო დეპოზიტიდან/ანგარიშიდან (პროექტის პარტნიორ ბანკთან თანამშრომლობის შემთხვევაში დამადასტურებელი დოკუმენტაციის წარდგენა საჭირო არ არის).
ქ. რუსთავში, ქ. ქუთაისსა და ზუგდიდში პროექტში მონაწილეობა შეუძლია სამინისტროს ნებისმიერ თანამშრომელს, მიუხედავად მისი დასაქმების ფაქტობრივი ადგილისა.
დამატებითი კითხვების შემთხვევაში გთხოვთ დაგვიკავშირდეთ სამინისტროს შიდა ნომერზე: 1781 ან მობილურის ნომერზე: 591 904 272
