შინაგან საქმეთა სამინისტროს კახეთის პოლიციის დეპარტამენტის თანამშრომლებმა 1986 წელს დაბადებული ვ.მ. პოლიციელზე თავდასხმისთვის, მოსამართლის განჩინების საფუძველზე, გარდაბნის რაიონში დააკავეს.
ჩადენილი დანაშაული 4-იდან 7 წლამდე ვადით თავისუფლების აღკვეთას ითვალისწინებს.
გამოძიებით დგინდება, რომ ვ.მ. 16 დეკემბერს, კახეთში მომხდარი ინციდენტების დროს, "ნაციონალური მოძრაობის" ლიდერთან - დავით კირკიტაძესთან ერთად, სამინისტროს ავტობუსში მყოფ პოლიციელს თავს დაესხა და ფიზიკური შეურაცხყოფა მიაყენა.
გამოძიება საქართველოს სისხლის სამართლის კოდექსის 353-ე პრიმა მუხლით მიმდინარეობს, რაც პოლიციელზე თავდასხმას გულისხმობს. ტარდება ყველა საჭირო საგამოძიებო-საპროცესო მოქმედება, გრძელდება ინციდენტების ამსახველი ვიდეომასალის შესწავლა.
